Horas,,,⛪
Asa Songon Hata Ni Natua tua Ma Dohonon :
Ranting Ni Bulu Duri,,,
Jait Marsijaotan,,,
Diangha Hata Nauli,,,
Ima Na Gabe Naing Sitaringotan,,,
IJUK PANGIHOT NI HODONG,,,
ULOS MA PANGIHOT NI HOLONG,,,
Ulos Batak Dipasahat Hula Hula Tu Pargellengon Na, Tu Pamoruon Na, Manang Sasahalak Jolma Ingkon Tu Na Ditoru Ni Tutur Na, Do Na Boi Pasahaton Ima Songon Tanda #Holong Ni Roha Na, Asa Anggiat :
1, Las Pamatang Molo Dipangke Ulos i,
2, Las Pangkilalaan (Las Roha Dht Pingkiran) Dinamanjalo Ulos Songon Rahut"" Tanda Holong (Cendramata)
Jadi Marhite Ulos Na Dipasahat Hula Hula Ta, Natoras Ta Tu Hita Ima Sada Simbol Na Patuduhon Holong Ni Roha Na Tu Hita,
Angha Na Digoari Ulos Na Tajalo Dung Sorang Hita Sahat Tu Na Marujung Ngolu :
A, ULOS BATAK NA DITONUN NI PARTONUN MARSISADA LILI SAHAT TU MARSIPITU NI LILI BERUPA #HAIN :
1, Ulos Parompa,
2, Ulos Tapol-Tapol,
3, Ulos Hela (Dung Marhasohotan Sisada Ulos Do Pangoli Dht Siboru Muli), Dht Ulos Tondi/Mula Gabe Molo Dung Disoloti Tua Na
4, Ulos Pancamot,
5, Ulos Saput, Tujung/Sampe Tua Molo Marujung Ngolu Ulos #Panampin,
6, Dll,
B, ULOS NA SO RA BURUK IMA BERUPA TANO :
1, Hauma (Saba Manang Juma Tur) Sian Hula Hula Ima Songon #Pauseang Na Binoan Ni Siboru Muli Tu Pangoli Songon Balos Ni SOMBA NI ADAT, Dht Silehon Lehon Diarta Songon Bokkas Ni Pat Ni Natoras Ni Ina
2, Hauma (Ulos) Dondon Tua Tu Pahompu #Panggoaran Sian Ompung Suhut,
On Ma Songon (Bulang Bulang) Penghargaan Ni Ompung Suhut Tu Pahompu Panggoaran Na,,!
Alai Molo Pe So Boi Tarpatupa Ompung Suhut Na Hauma/Tano, Boi Do Diganti Berupa SERE (Tintin Mas), Jd Sere Pe Ndang Olo Hea Buruk
3, Hauma (Ulos) Indahan Arian,
On Ma Songon Sada Tanda Holong Dipasahat Ompung Bao Na Tu Pahompu Sian Boru #Panggoaran Na, Naung Sanga Dipajou-Jouhon Marompung #SI, Andorang So Adong Dope Pahompu Panggoaran Sian Anak Na,
Alai Molo Pe Ndang Boi Tarpatupa Ni Ompung Bao Na Tano, Boi Do Muse Diganti Dht SERE,
C, ULOS NA TINONUN SADARI BERUPA HEPENG,
Molo Ulos Na Tinonun Sadari Astuan Na, Ima Ulos Nametmet,, Na Ditonun Dibagasan Tiingki Na Tarhipu Hipu, Manang Na Boi Dituhor Dionan, Jd Dilehon Hula Hula Ma Berupa #Hepeng Asa Gabe Pamoruon Ma Na Manuhor Ulos Na Tu Onan, ""ASA TUNG LAS ROHA NI PAMORUON ""
Ido Asa Adong Diruhut Ni Adat Unjuk Diulahon Ulos Na Tinonun Sadari,!!
ALANI DO SONGON SIMBOL NI DALIHAN NA 3 (TOLU) JALA URUTAN NA TARSONGONON MA DIBAHEN SITUA-TUA TA :
1, PISO =
""Manat Mardongan Tubu""
2, JAMBAR =
""Somba Marhula Hula""
3, ULOS =
""Elek Marboru""
Hatorangan Na:
1, PISO =
@,Ingkon Parjolo Do Hita Manat, Saurdot, Satahi Saoloan, Sapanghilalaan Angha Na Marhaha/Anggi (Dongan Tubu), Asa Boi Rap Mambahen Sangap (Somba) Tu Hula Hula, Jala Rap Mangelek Ma Tu Angha Boru,, Ido Asa didok Hata Ni Situa tua:
**Tampulon Aek Do Angha Namarhaha/anggi/*,
**Tampunak Ni Sibaganding Ma Didolok Ni Pangiringan, Asa Horas Ma Angha Na Marhaha/Anggi Asal Ma Tongtong Marsipairing-Iringan**
@,Jadi Molo Pe Adong Angha Na Humurang Diangha Namarhaha/Anggi Ingkon Sai Marsihorasan Do Jala Ingkon Sai Manat Dipanghuling, Manat Dipambahenan, Jala Molo Tubu Parsoalan Asa Diulahon Ma Ulaon ""MARDENGKE NI LAEAN"" Asa Marsisiuk-Siukan Do Na Marhaha/Anggi, Jala #Tongka Do Gabe Ulahonon ""MARINDAHAN SINAOR""
2, JAMBAR =
@,Molo Adong Pe Humurang Hita Maradopon Hula"" Manang Asa Dapot Dihita Hagabeon Marhita Angha Hata Pasu"" Dht Tangiang Ni Hula Hula Patupaon Ma Juhut Namarsaudara, Ima Pagori NI Sipanganon (Jambar)
@, Molo Dipasahat Hula"" Tu Hita Ulos, Ingkon Baloson Ma i Marhite "Piso-Piso"" Ima Songon #BAHO Ni Ulos Na #Hepeng,,
@, Piso"" Namarlapatan Ma I Songon Manggotap Rambu Ni Ulos Na Ta Jalo. Asa Sah Ulos I Gabe Hak Ta,
3, ULOS =
@, Molo Ni Hansitan Roha Niboru, Manang Asa Dapot Hagabeon Boru Niba, Pasahaton Ma ULOS + DENGKE Songon Tanda Holong Dht Laho Mangelek Roha Ni Boru,
@, Miolo Pinasahat Ulos +Dengke Tu Boru, Tontu Baloson Na Na i Marhute Jambar (Pagori Ni Sipanganon), Jala Pamoruon I Pe Pasahaton Na Ma ""Piso Piso" Dht PARSITUAK NA TONGGI,
@, Parsituak Na Tonggi Astuan Na,:
Dipasahat Boru Hepeng Tu Hula"" Asa Unang Matombuk Sakku Ni Hula "" (Unang Rugi) Ditingki Minum Tes (Parsituak Na) Ditingki Dipardalanan Na Laho Mulak Tu Bagas Na Muse,!!
Songoni Ma Amang/Inang Na Boi Ni Gurethon Sian Au :
""Ramba Na Potpot, Na So Piga Dope Tubuan Lata""
Mauliate,,
From : Dem's Gultom
Comments