Kisah Tuan Ringo (Bag-1) (Kisah cinta dht Br. Sinaga)

Tuan ringo mardongan dohot br. sinaga dihuta urat” nunga tungleleng pardonganon ni hasida na dua jala pamatang ni tuan ringo pe nunga tang (nga tikina marruma tangga) molo di ajak tuan ringo sibOru sinaga asa saut hasida, sai dijua br.sinaga do hata ni T. ringo. Didok br.sinaga alusna asingdo portibim, asingdo portibiku” alai di anggap T. ringo do sidalian ni br.sinaga manjua hatana, didok tuan ringo ma natuatuaku pe ngasai manjujui asa marhasohotan au ninna. Ulaon ni br.sinaga di hutai mangaletek tikar dohot martonun rap dohot br.tumorang, boru ni tuan suhut ni huta abang ni Tuan ringo, rappak2 do si boru sinaga Dohot br.tumorang siganupari jala sapodoman. Tuan ringo sai tong do didok hatana tu br.sinaga alai sai tong do dijua br.sinaga hatani tuan ringoi, jala didok tuan ringo ma hatana, ai molo so olo doho na laho parni jabuku aha ma gunana pardonganonta on? Dialusi boru sinaga ma, alani holong mima palelenghon au asa dang marnalao ho tu inganaku, alai molo targogot ho jou ma au, alai unang be boru sinaga au jou” jou ma boru sineang naga. Alai dirohani tuan ringo sidalian ni boru sinaga doi na lao manjua holongni tuan ringo. di roha ni tuan ringo nga martahi ibana nalaho mambaen gerangan, manundalhon adat dohot uhum patujolohon holong, asa dipasaut natua2 ma halaki dung tarboto tu natorop tahini tuan ringo. Adong do sada jabu inganan ni br.sinaga dohot br.tumorang molo mangaletek hasida, jala disi do molo modom, nunga diparate-atehon tuan ringo inganan parpodoman ni br.sinaga nasai di sudut2 ni jabui, dung jumpang borngin nga modom be siboru sinaga dohot boru tumorang diulahon tuan ringo ma tahi nai nalaho makkaol boru sinaga asa marsurak boru sinaga asa tarboto naung dihaol tuan ringo boru sinagai jala pasauton ni natua-tua ma hasida, ima tahini tuan ringo. Molo hatihai, marbulusan do jolma molo modom mamake tikar manutupi halaki alai ni ngalini ari dinamangulahon tahi nai tuan ringo, nga merasa imana naung mangalakai br.tumorang, pas disuhi2 ihaol imana br.sinagai jala marsurak ma jala sahat tu hombar jabu abegean suarai, marroan ma jolma, hape dung dipagalak palito na boru tumorang do na nihaol ni tuan ringo. Sahat ma baritai tu dongan tubu na si7ama (Pomparan Ompu Tuan Situmorang), sude do dongan tubuna menghujat tuan ringo, nunga mangalanggar poda naung bianaen ni ompu tuan situmorang tuan ringo, jala ikon di uhum do imana, sai dibela tuan ringo do dirina alai dangadong umbege hatani tuan ringo, dijupangi tuan ringo ma abang na suhut ni huta, jala dipatorang ma masudna nanaeng makkaol si br.sinaga do ibana alai sai dijua hatana. Didok tuan suhutni huta ma tu tuan ringo, molo songoni manisugut majo ho dibara ni jabu an, botari on nalao marrapot ma akka dongan tubuta dht raja bius alani gora on, inna ma. Dung jumpang botari, marrapot ma dijabuni tuan suhut ni huta, jala didok tuan suhut ni huta do asa dileon tikki tu tuan ringo, asa dibela dirina” alai dangadong na olo mangaleon tikki tu tuan ringo. Nunga mangose poda naung binaen ni “ompu tuan situmorang” tuan ringo inna, ikkon uhumon nama situan ringo ikkon dipamate, gorgorran ma aek jala dipamasuk ma tuan ringo tu bagas aek naung margurakgurak i inna natoropido. Jala dang holan sipituama be namuruk nunga sude bius naumboto masalai. Sumber: Horasces.cf