TURITURIAN TUAN RINGO (2) (Tuan Ringo Dht boru raja sitompul)

Dipahae, siraja tompul diporangi sipirok naeng mangarebut tano manang parbatasan, nunga di ambang hataluan be raja sitompul. Baritani parjajo (tuan ringo) sahat ma tu raja sitompul, disuru raja sitompul ma utusan naeng mangido pangurupion sian parjajo, di oloi tuan ringo do pangidoan ni raja sitompul, naeng mangalo sipirok. dung sahat tuan ringo di pahae, di rombak ibana do huta ni raja sitompul, dikalilingi bulu do hutai, gabe di rabas dibaen ma bului dipatikon gabe hujur (tembok pertahanan). Sahat ma barita tusipirok, naung adong ulubalang mambela raja sitompul, alani I, gabe mabiarma sipirok na lao mamorangi raja sitompul. Disuru sipirok ma jolma nalao mangido pardamean tu raja sitompul, molo sabotulna, nanaeng mata-matai raja sitompul do, tohodo manang dang adong ulubalang (datu bolon) mambela raja sitompul. Raja sitompul mangattusi do masuksud ni utusan sipirok, jala mabiar do ibana. Dijou raja sitompul ma tuan ringo tu ruma bolon inganan raja sitompul nalaho pabotohon haroroni sipirok tu pahae, didok tuan ringo ma tu raja sitompul asa unang pola mabiar. Dungi, dilatih tuan ringo ma prajurit na nalao marjaga-jaga di istana raja sitompul. Dang sadia leleng roma utusan sian sipirok, jala roma udang haba-haba (hujan badai) na dibaen tuan ringo marhite pangurupion sian boru sineang naga. tarhatotong utusan na sian sipiroki marnida namasai, ala dang matonu prajurit naiajaran ni tuan ringoi. Hape utusan nasian sipirok nga matonu, mabiar situtu do utusan I mamereng namasai. dungi disukun utusan ima tuan ringo, boasa gabe hujur pagarni hutaon? Dialusi tuan ringo ma: ai dang asal bulu hujur I raja, alai babi namar rante pe mate do mangalewati pagari. Di ajak tuan ringo ma utusan I tu ruma bolon inganan ni raja sitompoul, na lao makatai dohot raja sitompul taringot tu pardamean I, jala denggan do di jamu raja sitompul utusan nisipirok, nang pe naung di boto raja sitompul masudni parsipirok. Dung sae pakkataion I, mulak ma utusan nasian sipiroki. Alai sai tong do mabiar raja sitompul alani I, dirohani raja sitompul” nuaeng aman ma hutaon, alai molo lao ulubalangan, ise ma nalao pangasahonon mangalo nasian sipirok molo ro mamorangi huta on muse’ marrohama raja sitompul , dijou ma boruna jala didok” lao ma ho inang, sukun ma parjajoan marga aha do ibana jala sian dia? Asa pinasaut ho inang tuparjajoi, asa totong tinggal ibana dihutaon. Diboto boru tompul do tujuan ni amanai, lao ma boru tompul mandapoton parjajoi, jala didok: marga aha do ho jala sian dia do asal mu asa ro raja sian margam mandapoton among, asa di hatai sinamot asa saut hita mamuka parruma tanggaon! Dialusi tuan ringo do sukun2 ni boru tompul I, ala dirohani tuan ringope, marholong roha do ibana mida boru tompul” jala di alusi: "namadabu sian langit jala namapultak sian bulu do au" inna. Mulak ma boru tompul mandapoton raja sitompul pasahaton alus ni parjajoi, didok raja sitompul ma, baen ma inang saut maho tusi. Dialusi boru tompul do amanai, didok: ahama sinamot hu amang, ai so jelas asal usul ni parjajoi? Dialusi amanai do boru nai: dang sijaloon sinamot sian nabegu inna. Ala naung sepakat, jadima tuan ringo tu boru tompul. Nangpe naung maruma tangga hasida, sai tong do mengembara tuan ringo, olo mulak mar-minggu minggu, mulak marbulan-bulan bahkan martaon, sampe tubu anak na dang dibereng tuan ringo jala dang margoar dope, ala so dibaen amongna goarna. Marsabbung tu (Bag-4) Sumber