TURITURIAN TUAN RINGO (4) (Tuan Ringo dilului alani musim kemarau di Urat)

Di urat, holan lao tuan ringo sian tano urat masa ma haleon potir, musim logo ni ari dangadong tubu manang aha. Lao ma parurat manukun parbinoto aha do dosa nani ulani parsamosir umbaen na muruk mulajadi nabolon? Isukun ma datu sian bariba tao namargoar parmanuk-manuk, dialusi datui do hasida, na diula hamuna do dosa bolo umbaen na muruk mulajadi na Bolon, ai dang dilehon hamu tikki asa dipatorang tuan ringo Alana nasasitongna. Molo naeng ro udang disamosir, ikkon jolo degeonni tuan ringo do tano urat asa ro udan, inna datu i. Alani diutus ma sian urat natua-tua nalaho mangalului tuan ringo, borhat ma halaki opat halak, sada ma sian si7ama, imana suhut ni huta, abang ni tuan ringo. Lao ma halaki tu bakkara manukun ciri-ciri timbo balga rupana bagak. Molo goarna disukun dang diboto jolma. sahat ma tu tarutung, mulai ma adong tanda-tanda keberadaan ni tuan ringo, jala didok jolma dipahae do songon ciri2 naniluluan munai, inna. Sian I, borhat ma halaki tupahae, jala jumpang ni nasida ma boru tompul inanta ni tuan ringoi. Di alusi boru tompul ma: molo ciri2 naniluluan munai amatakku doi, alai nga leleng dang mulak. Nunga tubu anak nami alai dang margoar dope ala so mulak dope amongna, molo songoni masuk majo hamu tu jabu inna boru tompul. Holan ditanggai dope tuan suhut ni huta dibereng ma, dakdanaki ro martugarang mandapoton tuan suhut nihuta. dibagas roha ni tuan suhut ni huta nga anak ni tuan ringo on, ai mirip muse tu anggiku inna rohana. diabing tuan suhut Nihuta ma dakdanaki, didok ma “RAJA DAPOTON” ala nunga dapot naniluluan ni nasida. Manghatai ma boru tompul dohot suhut ni huta, dipatorang suhut ni huta ma namasai tu boru tompul, didok: holan ditinggal hon tuan ringo huta urat nga masa haleon potir nang logo ni ari, ai dang adong be ngolu be di huta, jadi ikon mulak ma hamu tu huta asa ro udang di samosir inna. Mambegei tarhatotong do boru tompul, Dang sadia leleng, adong manuktuk pintu jabu’ hehema boru tompul mambuka pintu, hape na tuan ringo do mulak. Didok boru topul ma ai leleng maho mulak tumorang ninna? Tarhatotong do tuan ringo mambegei, sian dia diboto on au marga situmorang inna rohana. unang pola mabiar ho inna boru tompulma, dipaboa ma haroro ni abangna tuan suhut ni huta, nalao mamboan imana mulak asa ro udang diurat. Masuk ma ho, nga dibagas halak amang inna boru tompul. Dungi, makkatai ma halaki naikon degeon ni tuan ringo do tano urat asa ro udan, hape nunga marsumpa tuan ringo naso jadi mandege tano urat, ala nanaeng dipamate nai imana (naso adat naso uhum binaen ni dongan tubuku tu au). ala marnigot ngolu ni jolma disamosir gabe mulak ma halaki, diboan ma boru tompul nang anak nai Marsolu ma hasida sian bakkara tu urat, ditonga tao dope halaki, nga dibereng boru tompul samosir nga hera na habis ditutung. Ninna rohana, "bohama parngoluni anakkon dison?" dung naeng sahat dilabuan urat, nga godang jolma manomu nomu hasida, alai dirohani tuan ringo sai taringot ibana masa nanaeng pamateonna ibana, marsisir do imbuluna”. Holan sahat dilabuan urat, jumolo do turun tuan suhut ni huta diabing ma anak ni tuan ringoi, didok: RAJA HASAHATAN ai nunga sahat halaki di urat, ido ubaen asa dua goar ni anak siakkangan ni tuan ringo “raja dapoton/raja hasahatan. Dungi turun ma tuan ringo mandege tanoni urat, pitor roma udan, jala lasma rohani natoropi, adong mandok mauleate tu mulajadi, adong mandok mauleate tu sombaon. Alai so adong modok mauleate tu tuan ringo, manang mamakulingipe soadong!. Marsabbung tu (Bag-5) Sumber sian Horasces.cf