TURITURIAN TUAN RINGO (2) (Tuan Ringo Lari tu bakkara)

Dungi didok tuan suhut ni huta ma, tano naso marpinggol marpinggol maho jala marbinege, asa lao maho naeng ombakkona nama ho! Ima kode ni tuan suhut ni huta tu tuan ringo, asa lao ibana sian barani jabuni tuan suhut ni huta. Dibege akka natoropi do hata ni tuan suhut ni huta, alai dang diatusi aha maksud ni tuan suhut ni huta. Jala disima dibege tuan ringo, naung gabe sombaon br.sinaga diborngin namam baen tahina tuan ringo, disima naung gabe sombaon br.sinaga. dungi dung hurmun ari, haruarma tuan ringo sian bara ni jabu ni tuan suhut nihuta, lari tu Labuan urat Jala nunga di bereng tuan ringo akka natoropi mar palito (obor) na lao mangalului ibana. Sambil marakut biar tuan ringo marlojong tu Labuan I, manggora ma akka jolma na dohot mangalului ibana, didok nian do tuan ringo jala dilumba ma ibana. Marlojongma tuan ringo sahat tu Labuan, alani biarna! Dibuat imana ma solu alai dang dohot holena ai nunga hepot ibana ala nunga jumonok jolma na mangalumba ibana i. masuk ma tuan ringo tu solui huhutma diholei ibana solunai pake tangan. Nunga sempat pasrah ibana lao pamateon na ala na dang margogo ibana mangayun solu, bohama gogo ni tangan. Ala ni muruk ni jolma na mangalumba tuan ringoi jala naeng parjolo manakup tuan ringo, pagodanghu masuk tu solui, jala balik ma solui. Taringot ma tuan ringo di hatani boru sinaga naman dok: "molo tar gogot ho jou ma goarhu boru sineang naga” didokon tuan ringo ma, alai porsea so porsea do ibana” didok ma” ALE BORU SIDEANG NAGA, BAEN MA HALISUSSUNG NA LAO PAPISAHON AU SIAN HUTA URAT ON” roma udang hali sussung dohot udang namasai doras marsapur ronggur! Marmulakan ma akka natorop na mangalete tuan ringo, alani biarna marnida namasai. Diboan hali susungi do tuan ringo arah bakkara, dibakara hatihai lagi porang datu! Jala marsiadu do akka pangisini bakkara marnida halisusungi, ala jarang do masa musim songoni ditikki i. Lam jonok tu Labuan bakkara, hape na solu do naro. Dipikir jolmai ma na datu bolon na roi! Marsigulut ma datu di bakkara naeng manjou tuan ringo, tupihakhu maho ninna halaki be. Didok tuan ringo ma tu akka datui: "dilehon mula jadi nabolon hagogoon I tu hamu dang laho pasu akka jolma naso margogo, pakke hamuma hagogo on munai nalaho mangurupi naso margogo", nina tuan ringo. Di alusi akka datu ido hatani tuan ringoi, ala dipikir datui tuan ringo datu bolon. Selama dibakara tuan ringo, dangadong be porang disi, alai marakkut biar do tuan ringo, tung dia ro sian urat mangalului ibana. Lao ma ibana sian bakkara, jala dang diboto jolmai songon dia parlaoni tuan ringo sian I, alai ro do hupikiran ni parhuta bakkara na menghilang do ibana parlaona sian bakara, hape lao brngin do ibana asa unang diboto parhutai. Lao ma tuan ringo tu siborong-borong sahat tu tarutung, molo disukun jolmai ibana sian dia manang marga aha, dangolo ibana paboahon goarna nang margana na situmorang. Didok ibana do mangalusi “namadabu sian langit namapultak sian bulu do au” digoari jolmai ma ibana parjajo (pengembara) sude do jolma marholong ni roha tu ibana ala burju do ibana mangurupi akka parhuta na di singgahi ibana,. Molo adong aloni parhutai ibana do disi manangani, didok jolmai do ibana ulubalang manang datu bolon. Siani torusma ibana tu siborong-borong, jala ditanda hutai do ibana naburju jala datu bolon. Marsambung tu Bag-3 sumber sian Horasces.cf